La FADE reclama "meyorar aspeutos" na nueva llei de proyectos d'interés estratéxicu

Calvo quier un marcu normativu áxil

La Federación Asturiana d'Empresarios (FADE) aplaudió esti vienres la esistencia d'una norma de les característiques de la iniciativa de llei de proyectos d'interés estratéxicu rexonal, que dexe competir n'igualdá p'atraer actividaes que xeneren empléu, riqueza y afiten población, anque presenta aspeutos importantes que "tienen de ser meyoraos".

La presidenta de FADE, María Calvo, asina lo afirmó nes comparecencies informatives sobre'l proyectu de llei de proyectos d'interés estratéxicu, que se celebren na Xunta Xeneral, nes que tamién van tomar parte la vicepresidenta del Principáu, Gimena Llamedo, y dellos conseyeros.

Na so intervención, Calvo dixo que'l proyectu de llei constitúi un "preséu especialmente necesariu" dientro de lo que tien de ser el tresformamientu alministrativu del Principáu d'Asturies, empobináu a una "mayor axilidá, eficacia y amenorgamientu de cargues alministratives innecesaries, y a la promoción y captación d'inversión y actividá económica"